2022 წლის 2 ოქტომბერს, ვარკეთილის საფეხბურთო ცენტრმა რიგით მეოთხე მამების თასს უმასპინძლა. მამების თასი ყოველწლიური საფეხბურთო ტურნირია, სადაც გოგოები და ბიჭები გუნდებში თანაბრად არიან განაწილებული, ხოლო მათი მწვრთნელი ერთ-ერთის მამაა.
![](https://mencare.ge/wp-content/uploads/2023/01/DSC8767-1024x683.jpg)
ღონისძიება გაეროს მოსახლეობის ფონდის (UNFPA) წარმომადგენელმა თურქეთში და საქართველოს ოფისის დირექტორმა, ჰასან მოჰთაშამმა, შვედეთის ელჩმა საქართველოში, ულრიკ ტიდესტრომმა და საქართველოს ფეხბურთის ფედერაციის პრეზიდენტმა, ლევან კობიაშვილმა გახსნეს.
![](https://mencare.ge/wp-content/uploads/2023/01/DSC9616-1024x683.jpg)
მამების თასი 2017 წელს, Care Together-ის, UNFPA Georgia-ს და GFF-ს პარტნიორობის ფარგლებში დაარსდა და წლიდან წლამდე მის მიმართ მამებისა და შვილების ინტერესი მკვეთრად გაიზარდა. Covid19-ის პანდემიის გამო, ტურნირი 2020-2021 წლებში ვერ ჩატარდა. 2022 წელს, ორწლიანი პაუზის შემდეგ, მამების თასმა გუნდებს კვლავ უმასპინძლა.
![](https://mencare.ge/wp-content/uploads/2023/01/DSC9478-1024x683.jpg)
წლევანდელ ჩემპიონატში, როგორც წინა წლებში მოასპარეზე, ასევე ახალმა გუნდებმაც მიიღეს მონაწილეობა. ფინალში ერთმანეთს გუნდები “იბერია 2010” და “ფეხბურთელები” შეხვდნენ, რომელიც “იბერია 2010”-ის გამარჯვებით დასრულდა.
![](https://mencare.ge/wp-content/uploads/2023/01/DSC0155-1024x841.jpg)
პირველ სამ ადგილზე გასულ გუნდს სპეციალური პრიზები და მედლები გადაეცა, ხოლო გამარჯვებულს მამების თასი და ეროვნული ნაკრების ფეხბურთელების ავტოგრაფიანი ბურთები.
![](https://mencare.ge/wp-content/uploads/2023/01/DSC0177-1024x683.jpg)
მამების თასი გაეროს მოსახლეობის ფონდის (UNFPA) საქართველოს ოფისის, საქართველოს ფეხბურთის ფედერაციის და არასამთავრობო ორგანიზაცია “ვიზრუნოთ ერთად” პარტნიორობით, კამპანიის “კაცები ზრუნავენ” ფარგლებში ტარდება და მისი მიზანია კაცების ჩართულობის გაზრდა გენდერული თანასწორობისთვის.