2022 წლის მეორე ნახევარში, კამპანია კაცები ზრუნავენსა და თეგეტა ჰოლდინგს შორის თანამშრომლობა შედგა, რომლის ფარგლებშიც აქტიურად დაიწყო თეგეტაში დასაქმებული კაცებისთვის ტრენინგ-მოდულის “მამაკაცური საუბრების” (Men Talking to Men) ჩატარება.
![](https://mencare.ge/wp-content/uploads/2023/01/3-1024x849.jpg)
აღსანიშნავია, რომ ეს კამპანიისთვის პირველი აქტიური თანამშრომლობაა კერძო სექტორთან.
“მამაკაცური საუბრები” კარგი შესაძლებლობაა ბიზნესში დასაქმებული კაცებისთვის კიდევ ერთხელ დაფიქრდნენ გენდერული თანასწორობის მნიშვნელობაზე თავიანთ საქმიანობაში;
![](https://mencare.ge/wp-content/uploads/2023/01/2-1024x1024.jpg)
ინიციატივა დადებითად აისახება მათ პროდუქტიულობაზე, გუნდურობასა თუ შედეგების ეფექტურ მიღწევაზე;
კაცები, რომლებიც ავლენენ მაღალ მგრძნობელობას დისკრიმინაციული ნორმების მიმართ, ხდებიან უკეთესი ლიდერები, თანამშრომლები, მხარდამჭერები, პარტნიორები და მზრუნველი ოჯახის წევრები;
![](https://mencare.ge/wp-content/uploads/2023/01/AURS9665-1024x622.jpg)
მონაცემები გვიჩვენებს, რომ კაცები, რომლებიც გათვიცნობირებულნი არიან თანასწორობის მნიშვნელობაში დადებით მაგალითს აძლევენ სხვა თანამშრომლებს და ამ გზით, ხელს უწყობენ თანასწორი ორგანიზაციული კულტურის დამკვიდრებას;
კაცები ზრუნავენ მზადაა ტრენინგ-მოდული “მამაკაცური საუბრები” სხვა კომპანიებსაც გააცნოს, რათა ერთად შევქმნათ ჰარმონიული და გენდერულად თანასწორი გარემო.
![](https://mencare.ge/wp-content/uploads/2023/01/AURS0058-1024x732.jpg)
თეგეტაში სემინარები ტარდება პროგრამის “ქალებისა და გოგოების მიმართ ძალადობის წინააღმდეგ საქართველოში” ფარგლებში, რომელიც ერთობლივად ხორციელდება გაეროს მოსახლეობის ფონდის (UNFPA) და გაეროს ქალთა ორგანიზაციის (UN Women) მიერ, ევროკავშირის (EU) მხარდაჭერით.